طريقه عمل البرجر البيتى

بسم الله الرحمن الرحيم

طبعا البرجر اكلة كل الناس كبار وصغيرين  بيحبوها جدا وف اى وقت

بس بدل بقى مانشتريه جاهز من برا ومش نبقى  عارفين هو معمول ازاى ولا فيه ايه

نعمله احنا فى البيت بايدينا هو احنا صغيرين مثلا ?

يلا بينا نشوف طريقة عمل البرجر البيتى وبلاش رغى

المقادير :

  نص كيلو لحم مفروم ( يفضل مش يكون فيها دهون)

  بصلة متوسطة

  بيضة

  كوب صغير بقسماط

  ملح

 فلفل

 معلقة صغيرة كزبرة ناشفة

 نص معلقة صغيرة زنجبيل بودر

 شطة ( حسب الرغبة)

ربع معلقة صغيرة جوزة الطيب

ربع معلقة صغيرة قرفة

الطريقة :

1: نخلط جميع المكونات ماعدا البقسماط ونعجنهم كويس.

2: نبدا نضيف البقسماط شوية شوية ونستمر فى العجن .

3: نبدا نشكل اللحم بين ايدينا ونفردها على شكل اقراص .

** لو عايزين نضمن  ان كل اقراص البرجر نفس الحجم نفرد اللحم بين طبقتين من البلاستيك ونستخدم قطاعة نعمل بيها اقراص.

4: ندهن صينية بنقطة زيت ونرص فيها اقراص البرجر ونسويها ف الفرن او على     النار مباشرة بس هانقلبها على الناحيتين . وبكده بقى عندنا برجر بيتى روعة بجد J

5: نجهز السندوتشات وكل واحدة وحركاتها .

** ممكن نحتفظ بالبرجر ف الفريزر نرصه بس نحط بينهم بلاستيك ونطلع من الفريزر ونسويه فى اى وقت نجهز السندوتشات …. وبالهنا والشفا

ميوشه

GOOGLE ADS

Share |